أبوغازي المدير العام
عدد الرسائل : 829 العمر : 30 العمل/الترفيه : مهندس الكترونيات المزاج : مدير المهنة : الهواية : الأوسمة : نقاط : 21 تاريخ التسجيل : 18/05/2008
| موضوع: هنفطر إيه النهارده؟؟؟ هنتسحر إيه النهارده؟؟؟ (6) السبت 16 أغسطس 2008 - 12:25 | |
| الفطار العصير التفاح بالقرفة
المقادير:- •علبة عصير تفاح. •3 أعواد قرفة.
الطريقة: الطريقة دي مافيش اسهل منها حطي علبة عصير التفاح في الكوباية وضيفي إليها أعواد القرفة..
وبالهنا والشفا
طبق السلطة سلطة البسلة والبطاطا
المقادير: •نصف كيلو بسلة. •نصف كيلو بطاطا مسلوقة. •فجل أحمر. •زيتون أخضر. •كرفس. •ملح وفلفل. •مايونيز.
الطريقة: 1- أسلقي البسلة كويس وبعد كده اسلقي البطاطا وقشريها وقطعيها مكعبات صغيرة.
2- هاتي الفجل الأحمر وقطعيه حلقات.
3- هاتي طبق السلطة وحطي فيه كل الحاجات اللي عندك وقلبيهم مع بعض كويس.
وبالهنا والشفا
الطبق الرئيسي صينية الكفتةبالبادنجان والبطاطس
المقادير: •نصف كيلو لحم مفروم. •5 حبات بصل. •3 فصوص ثوم •ربع معلقة صغيرة من كل من: ملح، وفلفل أسود، وكمون. •2 حبة باذنجا رومي. •3 حبات بطاطس (متوسطة الحجم) •4 حبات طماطم. •2 مكعب مرقة دجاج. •3 ملاعق كبيرة معجون طماطم. •3 أكواب ماء ساخن.
الطريقة: 1- هاتي بصلة وقطعيها قطع صغيرة جدا وقطعي معاها قرن شطة أخضر وبعد كده ضيفي إليهم الملح والفلفل الأسود والكمون والكركم وربع كوباية مية واضربيهم مع بعض في الخلاط.
2- هاتي اللحمة المفرومة وضيفي إليها خليط البصل وتوابل اللحمة وقلبيهم مع بعض وبعد كده شكلي اللحمة على هيئة كرات أو صوابع ورصيها في صينية وبعد ما تخلصي حطيها في التلاجة لمدة ربع ساعة.
3- قطعي البادنجان إلى شرائح وانقعيه لمدة عشر دقائق في مية بملح وبعد كده اقليه في الزيت.
4-قطعي البطاطس والطماطم والبصل إلى شرائح كل على حده وضيفي إليهم شوية ملح وفلفل أسود.
5- هاتي صينية فرن ورصي فيها البادنجان والبطاطس والطماطم والبصل ومن فوقيهم حطي الكفتة.
6- دوبي مكعب مرقة دجاج ومعجون الطماطم في كوب ماء ساخن وضيفيه إلى الكفتة والخضروات.
7- غطي الصينية بورق ألومنيوم وحطيها في الفرن لمدة ساعة ونصف وبعد كده خرجيها وشيلي من عليها ورق ألومنيوم ودخليها تاني الفرن وسيبيها لغاية ما تلاقيها احمرت وخرجيها.
وبالهنا والشفا
الحلو موز بالكاراميل
المقادير :- •2معلقة كبيرة عصير ليمون. •1/3 كوب كريمة لباني. •1معلقة كبيرة زبد. •3/4 كوب سكر بني. •1/2 كوب لوز مقشر ومقطع نصفين بالطول. •1/2 كوب كريمة مخفوقة مثلجة. •4 حبات موز.
الطريقة: 1- دوبي الزبدة في إناء متوسط فوق نار متوسطة وبعد كده ضيفي إليها السكر وقلبيهم مع بعد كويس وسيبيهم على النار لغاية ما يبقى لونهم ذهبي.
2- ضيفي إليهم الكريمه اللباني وقلبيهم مع بعض باستمرار لغاية ما تلاقي إن الصوص بقى أملس.. اطفي البوتجاز وسيبيه علشان يبرد.. وخدي بالك إن لو كان قوام الصوص شديد الكثافة يبقى ضيفي إليه معلقتين من اللبن وقلبيهم مع بعض.
3- قطعي الموز بالطول إلى نصفين وحطي كل نصفين في طبق وادهنيهم بعصير الليمون وصبي فوقهم صوص الكاراميل وزينيه بالكريمة المخفوقه واللوز.
وبالهنا والشفا
طبق السحور بيض مكس
المقادير: •3 بيضات. •1 فلفل رومي أخضر. •1 طماطم كبيرة. •10 حبات زيتون أسود مخلي ويمكن إضافة زيتون أخضر حسب الرغبة. •معلقة زيت. •معلقة جبن رومي مبشور أو جبن موزاريلا. •ملح، فلفل، بهارات. •يمكن إضافة البقدونس أو البصل حسب الرغبة. •بسطرمة أو لانشون.
الطريقة: 1- يخفق البيض مع الملح والفلفل والبهارات جيداً.
2- تقطع الطماطم والفلفل والزيتون البسطرمة واللانشون والبصل والبقدونس إلى قطع صغيرة جدا ويضاف اليهم البيض والجبنة.
3- سخني الزيت في الطاسة وبعد كده ضيفي إليه خليط البيض وسيبيه على النار لغاية ما يستوي وبعد كده حطيه في الطبق.
| |
|