منتدى الياسر
سجل
معنا
وشعللها
معنا

منتدى الياسر

منتديات الياسر
 
الرئيسيةس .و .جبحـثقائمة الاعضاءالمجموعاتالتسجيلدخول

شاطر | 
 

 هنفطر إيه النهارده؟؟؟ هنتسحر إيه النهارده؟؟؟ (5)

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
أبوغازي
المدير العام
المدير العام


ذكر عدد الرسائل : 829
العمر : 23
العمل/الترفيه : مهندس الكترونيات
المزاج : مدير
المهنة :
الهواية :
الأوسمة :
نقاط : 21
تاريخ التسجيل : 18/05/2008

مُساهمةموضوع: هنفطر إيه النهارده؟؟؟ هنتسحر إيه النهارده؟؟؟ (5)   السبت 16 أغسطس 2008 - 10:52


الفطار
العصير
عصير جريب فروت

المقادير:-
•عصير نصف حبة جريب فروت.
•1-2 معلقة كبيرة عسل.
•معلقة صغيرة نعناع مفروم.
•عصير ليمونة.
•نصف كوب ثلج.

الطريقة:
حطي كل المقادير اللي عندك ما عدا الثلج في الخلاط واضربيها مع بعض كويس وبعد كده صبيها في كاسات العصير وضيفي إليها قطع الثلج.

وبالهنا والشفا

طبق السلطة
سلطة فرايداي

المقادير:
•طماطم.
•فلفل أخضر.
•فلفل أصفر.
•جزر.
•خيار.
•بصل.
•عصير ليمونة.
•معلقة خل.
•بنجر مسلوق.
•نعناع.
•ثوم مفروم.
•زيت زيتون أو ذرة.
•زعتر + ملح.
• كمون.

الطريقة:
1-هاتي البصل وقطعيه إلى حلقات رقيقة جداً ورشي عليه شوية خل.

2-قطعي جميع الخضروات ما عدا الجزر إلى قطع صغيرة جدا.
وابشري الجزر.

3-هاتي كوباية وحطي فيها معلقة زيت + معلقة صغيرة خل + عصير ليمونة + ملح + كمون + زعتر + ثوم مفروم + النعناع وقلبيهم مع بعض كويس.

4- هاتي طبق السلطة وحطي فيه البصل وجميع الخضروات ورشي عليها الخليط اللي إنتِ عملتيه وقلبيهم مع بعض كويس.

وبالهنا والشفا

الطبق الرئيسي
فراخ محشية بالأرز والمكسرات

المقادير:
•فرخة متوسطة الحجم.
•1/2 كوب أرز بسمتي.
•3-4 معلقة كبيرة سمن بلدي.
•1بصلة صغيرة مقطعة قطع صغيرة جدا.
•2معلقة كبيرة صنوبر,(أو لوز).
•2معلقة كبيرة عين جمل، أو جوز نصف مفروم.
•2معلقة كبيرة زبيب.
•1/2 معلقة صغيرة بهارات.
•1معلقة صغيرة معجون طماطم.
•1بصلة كبيرة مقطعة شرائح.
•2-3 ورق لاورا.
•ملح وفلفل.

الطريقة:
1- هاتي الأرز واغسليه كويس وصفيه من المية اللي فيه وبعد كده سخني معلقة سمنة في إناء متوسط وضيفي إليها البصل وقلبيها في السمنة لغاية ما يصفر وبعد كده ضيفي إليه الأرز وقلبيه مع البصلة والسمنة لمدة خمس دقائق وبعدها ضيفي إليه البهارات و1/2 كوب مية وملح وفلفل وغطيه وسيبيه على نار هادئة علشان يتشرب وكل خمس دقائق قلبيه، وبعد ما يستوي سيبيه يبرد.

2- حمري المكسرات والزبيب في 1/2 1 معلقة السمن وبعد كده ضيفيهم إلى الأرز.

3- اغسلي الفرخة كويس وصفيها من المية وبعد كده احشيها بخلطة الأرز...

4- هاتي صينية وادهنيها بمعلقة السمنة وحطي فيها شرائح البصل وورق اللاورا ورشي عليهم شوية ملح وفلفل وبعد كده حطي عليهم الفرخة وادهني سطح الفرخة بالسمنة المتبقية ومعجون الطماطم.

5- سخني الفرن وحطي فيه الفرخة وغطيها بورق ألومنيوم وبعد كده حطي في الصينية حوالي كوب ماء وسيبي الفرخة في الفرن لمدة 40 دقيقة وبعد كده شيلي من عليها ورق الألومنيوم وسيبيها في الفرن لمدة نص ساعة تاني علشان تحمر وبعد كده طلعيها وحطيها في الطبق وزيني الطبق بأوراق البقدونس.

وبالهنا والشفا

الحلو
تشيز كيك بالمانجو

المقادير :-
•1عبلة بسكوت.
•زبد طري.
•350 جم جبنة بالكريمة.
•6معالق صغيرة جيلي بطعم المانجو.
•3حبات مانجو مقطعة قطع صغيرة.
•1/2 كوب عصير برتقال.
•1/2 كوب سكر.
•2معلقة كبيرة عصير ليمون.
•2كوب كريمة للخفق.

الطريقة:
1- دقي البسكويت كويس لغاية ما يبقى ناعم وضيفي إليه الزبد الطري وامزجيهم كويس مع بعض.

2-حطي البسكويت والزبدة في صينية مستديرة ذات جوانب متحركة (قطرها 20 سم) واضغطي عليها بإيدك كويس علشان الخليط ينزل في قاع الصينية وبعد كده حطي الصينية في الفريزر لمدة ساعة.

3- دوبي بودرة الجيلي في عصير البرتقال وحطيهم هما الاتنين على نار هادئة لغاية ما يذوب الجيلي تماما مع التقليب باستمرار وبعد كده اطفي البوتاجاز وسيبي الجيلي لغاية ما يبرد.

4- اضربي الجبن مع السكر في وعاء باستخدام مضرب بيض كهربائي لغاية ما الخليط ده يبقى ناعم وضيفي إليه عصير الليمون مع الاستمرار في الضرب لمدة دقيقة أخرى.

5- اخفقي الكريمة كويس باستخدام مضرب البيض وضيفي نص الكريمة المخفوقة إلى مزيج الجبن وقلبيهم مع بعض كويس..

6- هاتي قطع المانجو الصغيرة وضيفيها إلى الجبنة وضيفي عصير البرتقال وقلبيهم مع بعض كويس، وبعد كده صبي المزيج على البسكويت اللي إنتِ عملتيه وسوي السطح بظهر المعلقة وحطيه في التلاجة لمدة 7 ساعات وبعد كده طلعيه من التلاجة وزينيه بقطع المانجو والباقي من الكريمة المخفوقة.

وبالهنا والشفا

طبق السحور
بيض بالجبنة

المقادير:
•نص فنجان زيت.
•4 بيضات.
•شوية ملح وفلفل أسود.
•جبنة مشكلة.
•بعض البهارات.
•زيت أو زبدة.

الطريقة:
1- حطي شوية زيت في طاسة صغيرة

2-اخلطي البيض مع الملح والفلفل وضيفيهم إلى الزيت السخن وبعد شوية ضيفي إليه الجبنة وسيبيهم مع بعض لمدة خمس دقائق على النار وبعد كده شيليه من على النار وحطيه في طبق التقديم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
هنفطر إيه النهارده؟؟؟ هنتسحر إيه النهارده؟؟؟ (5)
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الياسر :: منتدى الأسرة :: منتدى المأكولات-
انتقل الى: