منتدى الياسر
سجل
معنا
وشعللها
معنا

منتدى الياسر

منتديات الياسر
 
الرئيسيةس .و .جبحـثقائمة الاعضاءالمجموعاتالتسجيلدخول

شاطر | 
 

 هنفطر إيه النهارده؟؟؟ هنتسحر إيه النهارده؟؟؟ (4)

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
أبوغازي
المدير العام
المدير العام


ذكر عدد الرسائل : 829
العمر : 23
العمل/الترفيه : مهندس الكترونيات
المزاج : مدير
المهنة :
الهواية :
الأوسمة :
نقاط : 21
تاريخ التسجيل : 18/05/2008

مُساهمةموضوع: هنفطر إيه النهارده؟؟؟ هنتسحر إيه النهارده؟؟؟ (4)   السبت 16 أغسطس 2008 - 10:51


الفطار
العصير
عصير الأفوكادو بالعسل

المقادير:-
•2 حبة أفوكادو لينة.
•نصف كوب سكر.
•2 كوب من اللبن.
•3معالق آيس كريم فانيليا.
•معلقة صغيرة عسل.

الطريقة:
قشري الأفوكادو وشيلي منه البذر وبعد كده قطعيه إلى قطع متوسطة، وحطيه في الخلاط ومعاه باقي المقادير اللي عندك واضربيهم مع بعض كويس، وبعد كده صبي العصير في كاسات العصير.

وبالهنا والشفا

طبق السلطة
سلطة الخس بالجزر

المقادير:
•خس.
•3جزرات مبشورين.
•عصير ليمونة.
•ملح وفلفل أسود.

الطريقة:
قطعي الخس وابشري الجزر وحطيهم مع بعض في طبق السلطة وضيفي إليهم الملح والفلفل وعصير الليمونة وقلبيهم مع بعض كويس.

وبالهنا والشفا

الطبق الرئيسي
سمك محشي في الفرن

المقادير:
•سمك من الأنواع الكبيرة القابلة للحشو مثل (الهامور أو البلطي).
•بصلة كبيرة مقطعة قطع متوسطة الحجم.
•3 قرون فلفل مقطعين قطع صغيرة.
•بقدونس وكسبرة وكرات مقطعين قطع صغيرة.
•زيت زيتون.
•بهارات سمك.
•ملح وكمون.
•نص راس ثوم مطحونة.
•بطاطا مقطعة مكعبات صغيرة.
•عصير ثلاث ليمونات.
الطريقة:

الطريقة:
1- هاتي فصوص الثوم وقرن فلفل أحمر مقطع قطع صغيرة وحطيهم في الهون ومعاهم الملح والكمون والبهارات واطحنيهم كويس مع بعض، وبعد كده ضيفي إليهم الليمون وقلبيهم مع بعض.

2- هاتي السمك واغسليه كويس وبعد كده ادهنيه من الخارج والداخل بالخلطة اللي إنتِ عملتيها وسيبيه لمدة نص ساعة علشان يتبّل كويس.

3- هاتي البصلة وقطعيها إلى قطع صغيرة وبعد كده تبليها بالملح والليمون وضيفي إليها قرن فلفل مقطع قطع صغيرة والبطاطا والكسبرة والبقدونس والكرات واخلطي كل الحاجات دي مع بعضها واحشي بيها بطن السمك وراسه.

4- هاتي صينية الفرن وحطي فيها السمك ودخليه الفرن وسيبيه لغاية ما تلاقي إن السمك لونه احمرّ واستوى، وطلعيه وحطيه في طبق التقديم وزيني الطبق بشرائح الجزر.

وبالهنا والشفا

الحلو
فطيرة بالمكسرات والفواكه المجففة

المقادير :-
•1/2 2كوب دقيق.
•165 جم زبد مقطع.
•1/2 كوب سكر.
•1 معلقة كبيرة سكر بني.
•2 بيضة.
•2 صفار البيض.
•2 معلقة صغيرة عصير ليمون.
•125 جم تين مجفف أو قراصيا مقطعة.
•2معلقة كبيرة زبيب.
•2معلقة كبيرة عصير برتقال.
•1معلقة كبيرة قشر برتقال مبشور.
•1معلقة كبيرة مربى تين أو برتقال.
•2معلقة كبيرة عين جمل وجوز.
•1/2 كوب لوز.
•1معلقة صغيرة قرفة.

الطريقة:
1-حطي الدقيق في طبق كبير وضيفي إليه قطع الزبد واخلطيهم ببعض بإيدك، وبعد كده ضيفي إليهم البيض، والسكر، وصفار بيضة. وقلبيهم مع بعض كويس وبعد كده ضيفي إليهم عصير الليمون واعجنيهم بإيدك بعد ما تتأكدي إن الخليط ده بقى عجينة متجانسة غطيها بغطاء بلاستيك وحطيها في التلاجة لمدة نص ساعة.

2- حطي التين أو القراصيا في كوباية كبيرة فيها مية مغلية وغطيها لمدة 15 دقيقة، وبعد كده صفيها من المية وقطعيهم لقطع صغيرة. حمصي اللوز وعين الجمل وافرميهم.

3- اخلطي الزبيب، والتين، وعصير البرتقال، وقشر البرتقال، واللوز وعين الجمل، والقرفة والمربى مع بعض.

4- طلعي العجينة من التلاجة وافرديها على سطح مغطى بشوية دقيق بحيث يكون سمكها 1/2 سم. وبعد كده قطعيها إلى دوائر باستخدام فتحة كوباية مستديرة.

5- حطي معلقة صغيرة من الحشو في منتصف كل دائرة. واضغطي على الحواف كويس بإيدك علشان تلزق وتقفل كويس.

6- سخني الفرن على درجة حرارة 180 درجة مئوية. وادهني صينية الفرن بالزبد ورصي عليها الفطائر ادهني سطح الفطائر بصفار البيض ورشي فوقها السكر البني، ورصيها في صينية ودخليها الفرن لمدة نص ساعة أو لغاية ما وشها يبقى أحمر وخرجيها.

وبالهنا والشفا

طبق السحور
بيض مسلوق بالبطاطس

المقادير:
•5 بيض.
•3 حبات بطاطس متوسطة الحجم.
•3معالق كبيرة زيت ذرة.
•1معلقة كبيرة زعتر مجفف ومطحون (اختياري).
•1معلقة صغيرة بهارات.
• ملح وفلفل.

الطريقة:
1- اسلقي البطاطس بقشرها ويعد كده قشريها وقطعيها إلى قطع صغيرة.

2- أسلقي البيض وبعد كده قشريه وقطعيه إلى قطع صغيرة كالبطاطس.

3- اخلطي البيض والبطاطس والملح والفلفل والزعتر والتوابل الأخرى في طبق كبير وضيفي إليهم الزيت وقلبيهم كلهم مع بعض كويس.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
هنفطر إيه النهارده؟؟؟ هنتسحر إيه النهارده؟؟؟ (4)
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الياسر :: منتدى الأسرة :: منتدى المأكولات-
انتقل الى: