منتدى الياسر
سجل
معنا
وشعللها
معنا
منتدى الياسر
سجل
معنا
وشعللها
معنا
منتدى الياسر
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى الياسر

منتديات الياسر
 
الرئيسيةأحدث الصورالتسجيلدخول

 

 هنفطر إيه النهارده؟؟؟ هنتسحر إيه النهارده؟؟؟ (1)

اذهب الى الأسفل 
كاتب الموضوعرسالة
أبوغازي
المدير العام
المدير العام
أبوغازي


ذكر عدد الرسائل : 829
العمر : 30
العمل/الترفيه : مهندس الكترونيات
المزاج : مدير
المهنة : هنفطر إيه النهارده؟؟؟ هنتسحر إيه النهارده؟؟؟ (1) Engine10
الهواية : هنفطر إيه النهارده؟؟؟ هنتسحر إيه النهارده؟؟؟ (1) Chess10
الأوسمة : هنفطر إيه النهارده؟؟؟ هنتسحر إيه النهارده؟؟؟ (1) W4
نقاط : 21
تاريخ التسجيل : 18/05/2008

هنفطر إيه النهارده؟؟؟ هنتسحر إيه النهارده؟؟؟ (1) Empty
مُساهمةموضوع: هنفطر إيه النهارده؟؟؟ هنتسحر إيه النهارده؟؟؟ (1)   هنفطر إيه النهارده؟؟؟ هنتسحر إيه النهارده؟؟؟ (1) Icon_minitimeالسبت 16 أغسطس 2008 - 10:48


نقدم لك وجبة إفطار كاملة شاملة "العصير + السلطة + الطبق الرئيسي على السفرة + طبق الحلو"....

مش كده وبس.. لا ده كمان هنقدم لك فكرة لطبق السحور ممكن إنك تعمليها...

الفطار


العصير
عصير قمر الدين

وعلشان النهارده أول يوم من أيام الشهر الكريم يبقى لازم يكون العصير الموجود هو عصير "قمر الدين" اللي بنستناه من السنة للسنة....

المقادير:-
• ربع لفة قمر الدين
• 5 كوبايات مية
• نصف كوباية سكر
• شرائح دائرية من قمر الدين المجفف وشرائح من ليمون

الطريقة:
1- هاتي نص لفة قمر الدين وقطعيها إلى قطع صغيرة بعد كده حطيها في كوباية وضيفي إليها المية وسيبيها لمدة 3 ساعات بعد كده حطيها في الخلاط وضيفي إليها السكر واضربيهم مع بعض كويس في الخلاط ...

2- بعد كده حطي العصير ده في التلاجة لمدة ساعة وقبل أذان المغرب بنص ساعة خرجيه وصبيه في الكوبايات وللتجميل ممكن تحطي على كل كوباية من فوق شرائح من الليمون أو شرائح من قمر الدين المجفف.

وبالهنا والشفا

طبق السلطة
سلطة خضراء بالزيتون

المقادير:
• جزر
• طماطم
• جرجير
• خس
• زيتون مخلي مقطع قطع صغيرة
• معلقة صغيرة زيت زيتون
• عصير نصف ليمونة
• نصف معلقة كبيرة ملح فلفل أسود

الطريقة:
قطعي الخس قطعا طولية وابشري الجزر هو كمان قطعا طويلة، بعد كده قطعي الخيار والطماطم مربعات صغيرة بعد كده ضيفي معلقة زيت الزيتون وعصير الليمون والملح وقطع الزيتون وقلبيهم مع بعض كويس وحطيهم في طبق السلطة وزيني الطبق بشرائح الليمون والخيار والطماطم.

وبالهنا والشفا

الطبق الرئيسي
مسقعة بالبشاميل

المقادير:
• كيلو باذنجان رومي مقشر ومقطع شرائح (1 سم)
• 1/2 كيلو لحمة مفرومة
• 2حبة فلفل أخضر
• 2 بصلة متوسطة مقطعة قطع صغيرة
• 2 حبة فلفل أخضر
• 2حبة طماطم
• 2-3 معلقة كبيرة صلصة طماطم
• 1معلقة صغيرة ثوم مدقوق
• زيت للقلي
• نصف فنجان زيت ذرة
• 1 حبة فلفل أحمر حار مقطع شرائح
• 3معالق كبيرة زبدة
• 3معالق كبيرة دقيق
• 4 كوبايات لبن
• ملح وفلفل

الطريقة:
1- هاتي الباذنجان وقشريه وقطعيه قطع سميكة وبعد كده انقعيه لمدة نصف ساعة في مية بملح... بعد كده اقليه في الزيت بعد ما تخلصي قلي الباذنجان قطعي الفلفل الأخضر مربعات واقليه هو كمان في الزيت..

2- بعد كده عصجي اللحمة المفرومة عن طريق تقطيع بصلة كبيرة إلى قطع صغيرة بعد كده ضيفي إليها الملح والفلفل الأسود واللحمة وحطيهم على النار وضيفي إليهم معلقة سمنة وسيبيهم على النار مع التقليب المستمر وبعد نص ساعة ضيفي إليها كوباية مية وسيبيها على النار لغاية ما اللحمة تشرب المية دي.

3-هاتي البصلة التانية وقطعيها قطعا صغيرة وحمريها مع شوية زيت بعد ما تلاقي لون البصلة أصفر ضيفي إليها الثوم المدقوق كويس.. لما تلاقي إن الاتنين لونهم بدأ يحمر ضيفي إليهم 1/2 كوباية عصير طماطم وسيبيهم على النار شوية لمدة ربع ساعة وبعد كده ضيفي إليهم صلصة الطماطم ونص كوباية مية وشوية ملح وفلفل وسيبيهم على النار لمدة ربع ساعة مع التقليب.

4- بعد كده جهزي البشاميل عن طريق إنك تسخني الزبدة وتضيفي إليها الدقيق مع التقليب لغاية ما لون الدقيق يصفر، بعد كده ضيفي إليه اللبن تدريجيا مع التقليب المستمر لغاية ما يبقى قوامه سميك، بعد كده ضيفي إليه الملح والفلفل الأسود وشيليه من على النار وبعد ما يبرد هاتي بيضة وحطيها في طبق واضربيها بالمضرب مع الملح والفلفل وبعد كده ضيفيها إلى البشاميل وقلبيهم مع بعض.

5- هاتي صينية ورصي فيها الباذنجان والفلفل المقلي ومن فوقه حطي اللحمة المعصجة ومن فوقه طبقة أخرى من الباذنجان، وبعد كده رشي الصلصلة اللي إنتِ عملتيها، بعد كده حطي اللحمة المعصجة وبعد كده غطي وش الصنية بطبقة من البشاميل.

6- دخلي الصينية في فرن متوسط الحرارة لمدة نص ساعة أو لغاية ما وشها يحمر بعد كده خرجيها من الفرن.

وبالهنا والشفا

الحلو

مهلبية قمر الدين

المقادير :-
• نصف لفة قمر الدين
• كوباية كبيرة سكر
• 6 كوبايات مية
• كوباية نشا
• كوباية من اللوز المقشّر (أو أي مكسرات موجودة)

الطريقة:
1- انقعي قمر الدين مدة ليلة كاملة في المية.

2- بعد ما تلاقي قمر الدين ذاب في المية هاتي حلة وصبيه فيها وضيفي إليه كوباية مية كبيرة وسكر مع التقليب وحطي حلة قمر الدين دي على النار مع التقليب المستمر...

3- أثناء غليان قمر الدين على النار هاتي كوباية مية وحطي فيها النشا وقلبيهم كويس...

4- بعد ما قمر الدين يغلي ضيفي إليه النشا تدريجيا مع التقليب المستمر وخدي بالك إن في الوقت ده تخلي النار هادية علشان تقدري إنك تتحكمي فيه وسيبيه على النار لمدة نص ساعة مع التقليب المستمر علشان مايلزقش.

5- بعد ما تلاقي قمر الدين بقى سميك شيليه من على النار وصبيه في أطباق صغيرة واستني عليه لما يبرد وبعد كده زينيه باللوز المقشر أو أي مكسرات عندك ودخليه التلاجة وطلعي منه وكلي.

وبالهنا والشفا

طبق السحور

فول بالسجق

وعلشان احنا عارفين إن طبق الفول هو الطبق الأساسي على أي سفرة... قررنا إننا نقول لك كل يوم على طريقة تعملي بيها الفول والطبق اللي معانا النهارده هو طبق الفول بالسجق.

المقادير:
• 3 كوب فول
• كيس سجق أو سوسيس
• 3 معالق كبيرة زيت عباد الشمس
• 1معلقة كبيرة عصير ليمون
• ملح وفلفل

الطريقة:
1- قطعي السجق إلى شرائح بسمك 2/1 سم.

2- سخني الزيت وضيفي إليه السجق وحمريه لمدة 5 دقائق.

3- ضيفي الفول إلى السجق وشوية ملح وفلفل ونص كوب مية وسيبيهم على النار مع بعض لمدة خمس دقائق مع التقليب المستمر.

4- بعد كده هاتي طبق التقديم وحطي فيه الفول وضيفي إليه عصير نصف ليمونة
الرجوع الى أعلى الصفحة اذهب الى الأسفل
 
هنفطر إيه النهارده؟؟؟ هنتسحر إيه النهارده؟؟؟ (1)
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
منتدى الياسر :: منتدى الأسرة :: منتدى المأكولات-
انتقل الى: