منتدى الياسر
سجل
معنا
وشعللها
معنا

منتدى الياسر

منتديات الياسر
 
الرئيسيةس .و .جبحـثقائمة الاعضاءالمجموعاتالتسجيلدخول

شاطر | 
 

 خطة ذهبية بإذن الله تخليك تحس برمضان في يوم واحد

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
أبوغازي
المدير العام
المدير العام


ذكر عدد الرسائل : 829
العمر : 23
العمل/الترفيه : مهندس الكترونيات
المزاج : مدير
المهنة :
الهواية :
الأوسمة :
نقاط : 21
تاريخ التسجيل : 18/05/2008

مُساهمةموضوع: خطة ذهبية بإذن الله تخليك تحس برمضان في يوم واحد   السبت 16 أغسطس 2008 - 10:03




]السلام عليكم ورحمة الله وبركاتهرمضان بيخلص وأنت ما حسيتش بيه ؟؟كان نفسك تحس برمضان..صح ؟؟أقول لك خطة ذهبية بإذن الله تخليك تحس برمضان في يوم واحد ؟ بس تنفذها بإذن الله ؟؟بس استنى..قبل ما أقولها عايزك تعرف أن اللي هتاخده م تنفيذ الخطة دي مش قليل أبدا إن شاء الله..
فلو فعلا نفسك تحس برمضان يبقى اسمع كلامي ونفذه..علشان ما تجيش وسط ما أنا بأتكلم تقول لي يا عم ده صعب أوي..
امسك يا سيدي..


هتيجي في أي يوم بعد صلاة العصر بالظبط وتنام...هتكون الساعة حوالي أربعة إلا ربع..
تصحى على الساعة 5 وربع كده (يعني نمت ساعة ونصف)...بس الله يكرمك تصحى
..
هيكون عندك حوالي 25 دقيقة على الفطار..أو أقل كمان..
هتعمل التالي :

أولا تقول أذكار المساء..((حوالي 15 دقيقة بالكتير))بعدين العشر دقايق المتبقية : تقعد تدعي ربنا قبل الفطار...ادعي بكل اللي أنت عايزه...بس ادعي بيقين الله يحفظك..

ولو جدع ممكن تاخد شوية بلح من عندكم وتنزل توزعها على الناس في الشارع..

جميل لغاية دلوقتي ؟المغرب أذن..
افطر على تمر وبعدين اشرب عصير ولا أي حاجة بسرعة كده..
وانزل عالمسجدصلي المغرب في أول جماعة ((أوعى تتأخر على الصلاة..ولو هتتأخر يبقى روح افطر التمر في المسجد يا خويا((..

المهم واطلع كمل فطارك بس طبعا ما تفتريش أوي علشان التراويح إن شاء الله..

واعمل اللي عايزه لغاية العشاء..تأذن العشاء.....حاول تكون في المسجد قبل الأذان علشان تلحق مكان في أول صف إن شاء الله..وطبعا اختار مسجد صوته حلو بقى ها..

تصلي العشاء..وتصلي التراويح كلها مع الإمام...بس ما توترش معاه (يعني صلي الوتر معاه وبعدين هات ركعة كمان علشان نوتر بالليل إن شاء الله(

خلص التراويح واجري عالبيت..
ودبها بقى كل براحتك..

واقعد شوية..
ونام على الساعة 10 بالكتير...لغااااية الساعة 12 ونص أو واحدة
..
بعدين اصحى واتوضأ كده وفوق..
وانزل للتهجد..

اختار برضه مسجد صوته جميل ..

صلي من الساعة 1 للساعة 3....حلو ؟؟وما توترش برضه..اصبر بس..
ترجع البيت على الساعة 3 أو 3 ونص كده...

كده فاضل لك ركعة واحدة بس اللي هي ركعة الوتر..

ليه خليناها في البيت بقى ؟دلوقتي أنت قدامك فرصة لا تعوض...
أنت في الثلث الأخير يعني وقت مستجاب الدعاء بإذن الله تعالى..هتصلي الوتر ب"قل هو الله أحد"...بس في السجود بقى...تنسى نفسك..
عايزين سجود كده 10 دقايق ولا ربع ساعة ..

بصأنا عايزك تناجي ربنا..مش بس تدعيه..
لأ تناجيه..
عارف المناجاة ؟يعني تشكي لربنا حالك..
اشكي له نفسكقل له أنك تعبتقل له يا رب أنا تعبت من ذنوبي..ومش عارف أتخلص منهاقل له يا رب أنت عارف حالي..
قل له يا رب عندي مشاكل كذا وكذا وكذا..


قل له كل اللي نفسك فيهيا عم أنت بتكلم ربنـــــــــــــا..يعني من بيده ملكوت السماوات والأرض..
يعني القادر على كل شيء..يعني يقول للأمر كن فيكون !!

سبحان اللهقل له أخشاك ربي وأحبكقل له يا رب اغفر ليقل له يا رب كل مرة أتوب وارجع تاين للذنبقل له كل حاجةتباكى...
قل له يا رب نفسي أبكي من خشيتك بس مش عارف..


قل له يا رب نفسي أطيعك بس نفسي بتغلبني..


قل له كل كل حاجة عايز تقولها...

اسأله أي حاجة عايزها في الدنيا وفي الآخرة..

وكن على يقين أن ربنا هيستجيب لك بإذن الله..

...
تخلص الوتروتقوم بسرعة تتسحر قبل الفجر..ما تخافش هتلحق إن شاء الله..

كل وظبط نفسك..
وبعدين أوعىىىىىىى تنام...

استنى الفجر..واقعد استغفر استغفر
..
ثم انزل صلي في المسجد...ويا ريت مسجد بيتأخر شوية في الإقامة..

يعني بيقيم بعد نص ساعة مثلا ولا ساعة إلا ربع..

ليه بقىعلشان هتاخد معاك مصحفك وتقرأ في المسجد لغاية الإقامة...
ولما يقيموا صلي..وبعدها خلليك قاعدهنقعد لغاية بعد الشروق بثلث ساعة إن شاء اللهعلشان ناخد ثواب الحجة والعمرة بإذن اللهفهتصلي معاهموبعد الصلاة تختم الصلاة..
وتقول أذكار الصباح (لو مش حافظها خد معاك أي ورقة صغيرة من اللي بتبقى فيها الأذكار(

وبعدها تكمل قراءة في المصحف..لغااااية بعد الشروق اللي في النتيجة بحوالي ثلث ساعة..
((
هتجيب جزء قرآن على الأقل بإذن الله((

بعدها تقول تصلي ركعتين..وتروح البيت
لما تروح البيت بقى...نفسي أقول لك اقرأ كمان جزء قرآن...مش كتير على فكرة..وهتكون فايق إن شاء اللهما تقعدش بس تفكر وتقول أنا صاحي من الساعة كذا..لأ قول أنا نايم كذا ساعة هتلاقيهم كتير..

اقرأ كمان جزء قرآن وبعدين يا عم نبقى عفونا عنك..خش نام وارتاح وكمل يومك بقى عادي إن شاء اللهإيه رأيك في الخطة دي ؟عارف لو عملتها تبقى عملت إيه ؟؟- قلت أذكار المساء- دعيت قبل الفطار- فطرت صايم- صليت المغرب في جماعة- صليت العشاء في جماعة والفجر في جماعة ((تعدل قيام الليل كله بإذن الله((
-
صليت التراويح- نمت محتسب أنك بتنام علشان تقدر تصلي...يعني حتى نومك ثواب بإذن الله..
-
صليت التهجد- دعيت ربنا في الثلث الأخير وناجيته سبحانه وتعالى- اتسحرت- استغفر ربنا- اعتكفت في المسجد لغاية الشروق وخدت أجر حجة وعمرة تامة بإذن الله- قلت أذكار الصباح- قرأت جزئين قرآن
شوف بقى ثواب قد إيه ؟ما شاء الله لا قوة إلا باللهصدقني هتحس برمضان إن شاء اللهحاسس أنها تقيلة وصعبة ؟طب أقول لك ؟خللي اليوم ده يبقى "وقف لله تعالى"يوم كده للـــه..مش لحاجة تاني خالص...
وقول لنفسك يا نفسي أنا هأتعب النهاردة علشان أرتاح بعد كده إن شاء اللهوكل ما تحس أنك تعبت أو مليت...تذكر الجنة...

الجنة فيها ما لا عين رأت ولا أذن سمعت ولا خطر على قلب بشر...ها يا أخي..
هنحس برمضان ؟؟هنطبق الخطة إن شاء الله ؟؟؟
[/size][/center]
[/size]
[/i][/u][/center]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
خطة ذهبية بإذن الله تخليك تحس برمضان في يوم واحد
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الياسر :: المنتدى الإسلامي :: رمضانيات-
انتقل الى: